18.11.2026
Hæglætisveður næstu daga
Lægð vestur af Írlandi og hæð yfir Grænlandi beina til okkar norðaustlægri átt, yfirleitt hægur vindur og bjart með köflum, en stöku él við norður- og austurströndina. Frost víða 0 til 10 stig, kaldast inn til landsins, en frostlaust allra syðst.
Á morgun má búast við hæglætis veðri á landinu, skúrir eða él á víð og dreif en þurrt á Vesturlandi fram eftir degi. Áfram svalt, en hlýnar smám saman sunnanlands.
Á föstudag bætir svo heldur í vind suðvestan- og vestantil á landinu með dálitlum skúrum eða slydduéljum, en á Norður- og Austurlandi má búast við svölu og úrkomulitlu veðri.