Frá vaktinni

Snjóathuganir í Arnfinnsfjalli 8. maí

Snjóathuganir í Arnfinnsfjalli við Ólafsfjörð 8. maí sýndu um 50cm af nýjum snjór víðast hvar, ofan á stífum snjó. Það var minniháttar lagskipting í nýja snjónum en hvergi vísbendingar um stífa vindfleka. Stöðugleikapróf gáfu brot í nýja snjónum við miðlungs og mikið álag.

Snjógryfja í Hlíðarskál 10. apríl

Snjógryfja var gerð í Hlíðarskál í gær 10. apríl í rúmlega 900 m hæð og austurvísandi brekku. Á svæðinu var víðast stífur vindfleki ofan á mjúkum snjó. Útvíkkað samþjöppunarpróf gaf slétt brot við lítið álag á þessum lagmótum og brotið breiddi úr sér. Þetta veika lag gæti orðið til vandræða þegar nýr snjór bætist ofan

Snjógryfjur á Norðurlandi 28. mars

Nokkrar snjógryfjur voru teknar í dag á Norðurlandi. Gryfja í 500 m hæð og vesturvísandi brekku í Burstabrekkudal sýndi þéttan lagskiptan snjó. Slétt brot komu á nokkrum stöðum við miðlungs álag, bæði á samþjöppunarprófi og þegar skóflu var stungið aftan við snjósúlu þegar verið var að einangra stöpul fyrir stöðugleikapróf. Útvíkkað samþjöppunarpróf sýndi þó ekki

Snjóflóðahrina á norðanverðum Vestfjörðum og Norðurlandi

Mörg snjóflóð hafa fallið á norðanverðum Vestfjörðum og utanverðum Tröllaskaga frá því á fimmtudag í síðustu viku. Samtals eru 122 snjóflóð skráð hjá Veðurstofunni á þessu tímabili, en líklega eru flóðin talsvert fleiri. Snjóflóð sem falla fjarri byggð og vegum sjást oft seint eða jafnvel aldrei og í skafrenningi og snjókomu getur fennt hratt yfir ummerki

Áframhaldandi óvissustig vegna snjóflóðahættu á Vestfjörðum og Norðurlandi

Óvissustig vegna snjóflóðahættu er enn í gildi á Vestfjörðum og Norðurlandi. Í dag er minnkandi norðaustan- og norðanhríð. Seint í kvöld kemur svo úrkomubakki yfir Norðurland og verða þar snjókoma og él fram til fyrramáls. Á morgun, miðvikudag, er spáð skaplegu veðri. Mörg snjóflóð hafa fallið á þessum svæðum frá því fyrir helgi. Fyrst í

Snjógryfja í Illviðrishnjúk við Siglufjörð 21. febrúar

Snjógryfja var tekin í um 877m hæð undir Illviðrishnjúki við Siglufjörð í SA vísandi hlíð. Gryfjan sýnir um 10cm þykka lausamjöll ofan á þunnu íslagi og lagskiptan snjó undir. Stöðugleikapróf gaf brot á 30cm dýpi við miðlungs álag, milli tveggja fleka. Skíðamenn hafa tilkynnt vúmp hljóð í Skarðsdal og veikleikar hafa einnig fundist á Flateyjarskaga.

Snjógryfja af Skarðsdal 16. febrúar

Tvö veik lög sáust í gryfjunni í gær, þau brustu við fremur lítið álag og sýndu vísbendingar um nokkuð auðvelda útbreiðslu. Á lagmótunum sáust bæði kantaðir kristallar og yfirborðshrím

Snjógryfja á Hlíðarfjalli 15. febrúar.

Gryfja var tekin í Hlíðarfjalli í austlægu viðhorfi í 670 m hæð. Snjóþekjan var 140 cm djúp og gryfjan um 60 cm. Gryfjan sýndi um 25 cm af nýlegum snjór ofan á harðfenni. Samþjöppunarpróf sýndi brot og samfall í stöplinum við miðlungsálag á um 15 og 26 cm dýpi.  Ekki var gerð nákvæm greining á

Líkur á ofanflóðum í asahláku

Spáð er asahláku með rigningu og hlýindum um helgina. Líkur eru á krapaflóðum og votum snjóflóðum þar sem rignir í snjó, einkum á Suðausturlandi, Austfjörðum, Norðurlandi og Ströndum. Ofanflóðavakt Veðurstofunnar fylgist náið með aðstæðum.