Frá vaktinni

Úrkoma á norðan- og austanverðu landinu 18. - 20. júni

Rigning hefur verið á austanverðu landinu frá því í gær, miðvikudaginn 17. júní. Þónokkur úrkoma hefur mælst á svæðinu, en hún hefur ekki valdið vandræðum. Engar tilkynningar um skriður eða grjóthrun hafa borist skriðuvakt Veðurstofunnar. Spár gera ráð fyrir áframhaldandi úrkomu fram á aðfaranótt laugardags.

Snjógryfja við Gúl, Seyðisfirði 17. janúar

Snjógryfja var gerð við Gúl í Seyðisfirði þann 17. janúar. Gryfjan var gerð í u.þ.b. 400 m hæð í NA-vísandi hlíð. Gryfjan sýndi lagskiptan snjó, vindfleka og nýjan snjó ofan á. Almennt var nýi snjórinn ekki þykkur. Brattur hitastigull var ofarlega í snjónum. Ekki voru gerð stöðugleikapróf.

Snjógryfja í Oddsskarði 17. janúar

Snjógryfja var gerð í Háhlíðum í Oddsskarði þann 17. janúar. Gryfjan var gerð í u.þ.b. 510 m hæð í SA-vísandi hlíð. Gryfjan var um 115 cm djúp en heildarsnjódýpt á þessum stað var um 310 cm. Gryfjan sýndi litla rúnnaða kristalla ofan á eldri snjó. Gryfjan sýnir ekki háan hitastigul. Útvíkkað stöðugleikapróf var gert. Brot

Líkur á ofanflóðum um helgina

Búast má við minni vindi um helgina en áfram verður rigning víða um landið. Mestri úrkomu er spáð á Ströndum, Norður-, Austur- og Suðausturlandi. Líkur á krapaflóðum og votum snjóflóðum hafa minnkað og hætta í byggð telst lítil, þó enn geti fallið lítil vot snjóflóð eða skriðuspýjur þar sem mikið hefur rignt og snjór liggur í bröttum hlíðum. Ofanflóðavakt Veðurstofunnar fylgist áfram vel með aðstæðum.

Líkur á ofanflóðum í asahláku

Spáð er asahláku með rigningu og hlýindum um helgina. Líkur eru á krapaflóðum og votum snjóflóðum þar sem rignir í snjó, einkum á Suðausturlandi, Austfjörðum, Norðurlandi og Ströndum. Ofanflóðavakt Veðurstofunnar fylgist náið með aðstæðum.