Frá vaktinni

Bylgjuvíxlmælitækið komið aftur til Seyðisfjarðar

Fimmtudaginn 20. ágúst var bylgjuvíxlmælitækið (e. GB-InSAR) sem staðsett er í Vestdal flutt til Eskifjarðar sem hluti af árlegu eftirliti. Búið er að flytja mælitækið aftur á sinn stað í Vestdal, Seyðisfirði. Mælitækið mælir breytingar á yfirborði í Strandartind og ytri hluta Neðri-Botna.

Tímabundinn flutningur á bylgjuvíxlmælitæki frá Seyðisfirði til Eskifjarðar í ágúst

Í gærmorgun, fimmtudaginn 20. ágúst, var bylgjuvíxlmælitækið (e. GB-InSAR) sem staðsett er í Vestdal flutt til Eskifjarðar. Mælitækið mælir breytingar á yfirborði í Strandartind og ytri hluta Neðri-Botna. Flutningur á mælitækinu til Eskifjarðar er tímabundinn. Bylgjuvíxlmælitækið mun vera á Eskifirði í eina viku og mæla breytingar á yfirborði hlíðanna sem eru ofan við byggðina.

Úrkoma á norðan- og austanverðu landinu næstu daga

Lægð nálgast landið í dag, miðvikudaginn 17. júní, og mun færast upp með austurströndinni á næstu dögum, en henni fylgir talsverður raki og stíf norðaustanátt. Spár gera ráð fyrir rigningu á öllu austan- og norðaustanverðu landinu næstu þrjá sólarhringa, eða fram að helgi. Mest verður úrkoman til fjalla, á annesjum á Norðausturlandi og á Austfjörðum en einnig má gera ráð þónokkurri rigningu á láglendi.

Snjógryfja í Oddsskarði 10. apríl

Snjógryfja var gerð í Oddsskarði í gær 10. apríl í 760 m hæð og suðurvísandi brekku. Hún sýndi stífan jafnhita snjó, sem þó var enn aðeins lagskiptur. Ofan á var hörð þunn skel sem brotnaði auðveldlega. Stöðugleikapróf gáfu ekki svörun á öðrum stöðum neðar í snjóþekjunni. Frá laugardagseftirmiðdegi fram á sunnudag er spáð mikilli snjókomu

Snjógryfja í Oddskarði 4. apríl

Snjógryfja var gerð í Magnúsarskarði við Oddskarð þann 4. apríl. Gerð voru stöðugleikapróf; samþjöppunarpróf gaf enga svörun en útvíkkað samþjöppunarpróf gaf svörun á efri lögum stöpulsins. Stöpullin féll saman við lítið, miðlungs og mikið álag en rann ekki fram.

Snjógryfja í Stafdal ofan Seyðisfjarðar, 20. febrúar

Snjógryfja var tekin við Gúll í Stafdal seinnipart 20. janúar. Gryfjan var tekin í 400m hæð í austurvísandi hlíð. Hún sýndi lagskiptan snjó ofan á stífu hjarni með um 10 cm af lausasnjó ofan á og á um 50cm dýpi var þunnt íslag. Stöðugleika próf gaf brot við miðlungs álag á 40 cm dýpi og

Snjógryfja úr Oddsskarði 16. febrúar

Snjógryfjan gaf ekki vísbendingar um sérstakan óstöðugleika en talsverð lausamjöll er á yfirborði og geta aðstæður því breyst hratt þegar hvessir

Snjógryfja í Oddsskarði 17. janúar

Snjógryfja var gerð í Háhlíðum í Oddsskarði þann 17. janúar. Gryfjan var gerð í u.þ.b. 510 m hæð í SA-vísandi hlíð. Gryfjan var um 115 cm djúp en heildarsnjódýpt á þessum stað var um 310 cm. Gryfjan sýndi litla rúnnaða kristalla ofan á eldri snjó. Gryfjan sýnir ekki háan hitastigul. Útvíkkað stöðugleikapróf var gert. Brot

Hríðarveður á Austfjörðum

Hríðarveðri er spáð á Austfjörðum á sunnudagskvöld og mánudag. Ekki er búist við snjóflóðahættu í byggð en viðbúið að hún aukist tímabundið til fjalla. Búast má við samgöngutruflunum.

Snjógryfja í Oddsskarði 10. janúar

Snjógryfja var gerð í Háhlíðum í Oddsskarði þann 10. janúar. Gryfjan var gerð í u.þ.b. 520 m hæð í SA-vísandi hlíð. Gryfjan var um 60 cm djúp en heildarsnjódýpt á þessum stað var um 320 cm. Hitastigull var brattur efst í snjóþekjunni en svo nokkuð jafn niður á u.þ.b. 40 cm. Gryfjan sýndi vindfleka ofan